7 գոլ ու լարված վերջաբան․ Ինտերը կամային հաղթանակ տոնեց, Մխիթարյանը մասնակցեց հանդիպմանը

Իտալիայի առաջնության 32-րդ տուրում «Ինտերը» հյուրընկալվել էր «Կոմոյին» ու հաղթեց 4։3 հաշվով։

36-րդ րոպեին Ալեքս Վալյեն բացեց հանդիպման հաշիվը։ 1-ին կեսի ավարտից 1 րոպե առաջ Նիկո Պասը, «Կոմոյի» դարպասապահ Ժան Բուտեսի փոխանցումից, մեծացրեց իր թիմի առավելությունը։ Մինչ ընդմիջում «Ինտերը» կարողացավ կրճատել հաշվի տարբերությունը՝ աչքի ընկավ Մարկուս Թյուրամը։

2-րդ կեսում «Ինտերն» արագորեն վերականգնեց հավասարությունը։ 49-րդ րոպեին դուբլ գրանցեց Թյուրամը։ 58-րդ րոպեին Դենզել Դյումֆրիսն առաջ մղեց «Ինտերին», իսկ 72-րդ րոպեին խփեց իր թիմի 4-րդ գոլը։

Մինչ հանդիպման ավարտը «Կոմոն» կարողացավ 1 գոլ հետ բերել։ Լյուկա Դա Կունյան 89-րդ րոպեին դիպուկ իրացրեց 11-մետրանոցը։

Հայաստանի ազգային հավաքականի լավագույն ռմբարկու Հենրիխ Մխիթարյանն «Ինտերի» կազմում փոխարինման մտավ 78-րդ րոպեին։

Այս հաղթանակից հետո Քրիստիան Կիվուի գլխավորած թիմը միանձնյա գլխավորում է մրցաշարային աղյուսակը՝ 75 միավորով ու ունի 9 միավորի առավելություն 2-րդ տեղով ընթացող «Նապոլիից»։ «Կոմոն» 58 միավորով 5-րդն է։