Բարսելոնան հակառեկորդ է գրանցել իսպանական ակումբների շրջանում

«Բարսելոնան» Չեմպիոնների լիգայում, իսպանական ակումբների շրջանում, դարձավ առաջատար սեփական դարպասն անառիկ չպահած խաղերի քանակով:

Հանսի Ֆլիկի թիմն այս րոպեներին անցկացնում է մրցաշարի քառորդ եզրափակիչի պատասխան հանդիպումը Մադրիդի «Ատլետիկոյի» հետ ու 31-րդ րոպեին գոլ ընդունեց սեփական դարպասը։ Աչքի ընկավ Ադեմոլա Լուկմանը: Առաջին խաղում կատալոնացիները պարտվել էին 0:2 հաշվով:

Կատալոնական ակումբը դարձավ պատմության մեջ առաջին իսպանական թիմը, որը Չեմպիոնների լիգայում գոլ է բաց թողնում 15 խաղ անընդմեջ: Այս մրցաշարում իրենց վերջին «չոր» հանդիպումը «Բարսելոնան» անցկացրել է նախորդ տարվա ապրիլի 9-ին՝ Դորտմունդի «Բորուսիայի» դեմ խաղում (4:0):