Ռեալի 4 ֆուտբոլիստ ամռանը կլքի ակումբը

Մադրիդի «Ռեալը» չի երկարաձգի պաշտպան Դավիդ Ալաբայի հետ պայմանագիրը, որն ավարտվում է գալիք ամռանը։ Մեկ այլ պաշտպան՝ Ռաուլ Ասենսիոն, նույնպես դիտարկվում է ակումբը լքելու հնարավոր թեկնածու։ Այս մասին հայտնում է The Athletic-ը։

Ըստ աղբյուրի՝ կիսապաշտպան Դանի Սեբալյոսը ցանկանում է հեռանալ «արքայական» ակումբից և վերադառնալ «Բետիս»։ Սպասվում է, որ ֆուտբոլիստը Մադրիդից կհեռանա հաջորդ ամռանը։ Բացի այդ, «Ռեալում» կարծում են, որ թիմից կհեռանա հարձակվող Գոնսալո Գարսիան, իսկ Էնդրիկը կվերադառնա «Լիոնից»։

Ընդգծվում է նաև, որ անորոշ է մնում պաշտպաններ Դանի Կարվախալի և Անտոնիո Ռյուդիգերի ճակատագրերը, որոնց պայմանագրերի ժամկետները նույնպես լրանում են գալիք ամռանը։