Տուլիպան ասել է` ինչ մրցակից կցանկանա տեսնել Եվրոպա լիգայում

«Արարատ-Արմենիայի» գլխավոր մարզիչ Մանուել Տուլիպայի Եվրոպայի լիգայի հիմնական փուլ դուրս գալուց հետո կիսվել է տպավորություններով:

«Սա շատ կարևոր է հաղթանակ է ոչ միայն մեր ֆուտբոլիստների, այլև ամբողջ հայկական ֆուտբոլի համար, քանի որ հայկական ակումբն առաջին անգամ դուրս է եկել Եվրոպա լիգա: Երբ եկա այս ակումբ, նպատակս մեկն էր` ֆուտբոլիստներս երազանքներ ունենան ու իրենց առաջ նպատակներ դնեն, և ամբողջ թիմն այդ համոզմունքով առաջ գնա: Հիմա էլ չկա պատճառ, որ մենք մեզ զրկենք երազանքներից ու չգնանք մեր հաջորդ նպատակի հետևից»,- ասել է պորտուգալացի մասնագետը:

Նրա խոսքով` ԵԼ հիմնական փուլում որպես մրցակից կցանկանա հենց պորտուգալական թիմերին տեսնել` «Բենֆիկային» և «Բրագային»:

Եվրոպա լիգայի Լիգայի փուլի վիճակահանությունը տեղի կունենա օգոստոսի 28-ին և կմեկնարկի ժամը 15:00-ին: