Մարմնամարզության ԵԱ. Հայաստանի 5 ներկայացուցիչ եզրափակչում է
Հայաստանի սպորտային մարմնամարզության հավաքականի անդամներԱրթուր Դավթյանը, Վահագն Դավթյանը, Արթուր Ավետիսյանը, Համլետ Մանուկյանը, Մամիկոն Խաչատրյանը դուրս են եկել Գերմանիայի Լայպցինգ քաղաքում անցկացվող Եվրոպայի մեծահասակների առաջնության եզրափակիչ։
Վահագն Դավթյանն ու Արթուր Ավետիսյանը հանդես են եկել թափօղակներ վարժությունում ու որակավորման փուլում գրավելով 8-րդ (13,866) ու 5-րդ (14,300) տեղերը անցել են եզրափակիչ։
Նժույգ թափեր վարժաձևում Աշխարհի բացարձակ գավաթակիր Համլետ Մանուկյանը եզրափակիչ է անցել 1-ին տեղով՝ 14,566 միավորով, Մամիկոն Խաչատրյանը 3-րդն էր որակավորման փուլում վաստակած 14,400 միավորով։
Հենացատակում էլ 2-րդ տեղով եզրափակիչ է դուրս եկել Օլիմպիական խաղերի արծաթե ու բրոնզե մեդալակիր, Աշխարհի ու Եվրոպայի չեմպիոն, Արթուր Դավթյանը՝ 14,516 միավորով։
ԵԱ-ում Հայաստանը հանդես է գալիս թիմային և անհատական պայքարում:
