Հպարտ եմ, որ հնչեց մեր ազգային օրհներգը․ Համլետ Մանուկյան
17-ամյա Համլետ Մանուկյանը, որը երեկ 1-ին անգամ մասնակցելով Եվրոպայի մեծահասակների առաջնությանը՝ դարձավ չեմպիոն, կիսվել է իր տպավորություններով։
«Շատ երջանիկ եմ ու հպարտ, քանի որ սա իմ առաջին մեծահասակների Եվրոպայի առաջնությունն էր և ես նվաճեցի ոսկե մեդալ։ Այս մեդալը շատ կարևոր է ինձ համար։ Ուրախ եմ նաև ընկերներիս համար։ Հպարտ եմ, որ այստեղ հնչեց մեր ազգային օրհներգն ու ծածանվեց մեր դրոշը»։
Շատ գեղեցիկ վարժություններ կատարեցիք։ Պատմեք մեզ ձեր կատարած աշխատանքի մասին։
«Մարզվել էինք շատ ու այս մեդալն էլ եմ դժվարությամբ վաստակել։ Ցանկանում եմ շնորհակալություն հայտնել մարզիչներիս, ընտանիքիս ընկերներիս, այս մեդալի համար։ Շնորհակալ եմ բոլորից»։
Ընդամենը 17 տարեկան ես։ Ի՞նչ հեռանկարներ ունես ապագայի համար։
«Ցանկանում եմ դառնալ Աշխարհի չեմպիոն, Օլիմպիական չեմպիոն, կրկին անգամ շատ ուրախ եմ այս մեդալի համար»։
Հիշեցնենք, որ Լայպցիգում ընթացող Եվրոպայի առաջնությունում ոսկե մեդալի արժանացած Մանուկյանը Աշխարհի բացարձակ գավաթակիր է։ Նժույգ թափեր վարժության փոխչեմպիոնն էլ 18-ամյա Մամիկոն Խաչատրյանն է։
