Ձմեռային օլիմպիական խաղերի մեկնարկին մնացել է մեկ տարի

Ձմեռային օլիմպիական խաղերի մեկնարկին մնացել է մեկ տարի:

ՄՕԿ–ի գործընկեր  OMEGA-ն սկսել է  համաշխարհային հերթական մարզահանդեսի հետհաշվարկը: Ընկերության ժամացույցը տեղադրվել է Միլանի սրտում ՝  խորհրդանշական տաճարի կողքին:

Հանդիսությանը ներկա են եղել միջազգային օլիմպիական կոմիտեի (ՄՕԿ) նախագահ Թոմաս Բախը, Միլանո Կորտինա - 2026 կազմկոմիտեի  նախագահ Ջովանի Մալագոն, OMEGA-ի ղեկավար և գործադիր տնօրեն Ռեյնալդ Էշլիմանը ու այլ պաշտոնյաներ:

Թոմաս Բախը հավաստիացրել է , որ OMEGA-ն, ինչպես միշտ, միջոցառման  արդյունքները կտրամադրի ճշգրիտ ու ազնիվ: Այդ ընկերությունը ՄՕԿ-ի ամենաերկարակյաց գործընկերներից մեկն է  և տասնամյակների ընթացքում ցույց է տվել իր նվիրվածությունը:  

Ոգեշնչված ձմեռային սպորտի գեղեցկությամբ, ներկայացված խորանարդը հիշեցնում է հսկա ձնագնդի՝ հատուկ օդային հոսքով, որը ստեղծում է շարունակական արհեստական ձյան էֆեկտ՝ շրջապատված Milano Cortina–2026–ի խորհրդանիշով:

Ի դեպ, առաջին անգամ  ձմեռային խաղերի համար կլինի  հետհաշվարկի պաշտոնական  երկու ժամացույց: Երկրորդը կգործարկվի  Cortina d’Ampezzo-ում առաջիկա  մարտին:

OMEGA-ն օլիմպիական խաղերի պաշտոնական ժամանակաչափն է 1932 թվականից, իսկ պարալիմպիկինը ՝  1992- ից:

Նաև հայտարարվել է  նոր հուշանվերի՝ Seamaster 37 մմ Milano Cortina–2026–ի ժամացույցի թողարկման մասին, որտեղ դասականը համատեղվել է ժամանակակից դիզայնի  հետ:  

25–րդ ձմեռային օլիմպիական խաղերը տեղի կունենա 2026թ. փետրվարի 6-22-ը, իսկ պարալիմպիկը՝ մարտի 6-15-ը։