18 տարի առաջ այս օրը հիմնադրվել է Հայաստանի ազգային հավաքականի երկրպագուների՝ Առաջին Հայկական Ճակատ:
«Սկսվեց սիրո ու նվիրման մի պատմություն, որը միավորեց ամենատարբեր մարդկանց մեկ գաղափարի շուրջ։
Այս տարիների ընթացքում մեր իրականության ամենատարբեր ու դժվար փորձությունները հաղթահարելու իմունիտետ ձեռք բերեցինք, մնացինք այնպիսին, ինչպիսին եղել ենք հիմնադրման օրը, մեր առաքելությունը մշտապես եղել և մնում է մեր երկրի դրոշն ու զինանշատը վեր պահելը, հայկական ֆուտբոլի կողքին լինելը և դրա զարգացմանը նպաստելը։
Այսօր՝ «չափահասության» շեմին կրկին կանգնած ենք կարևոր առաքելության առաջ՝ գրեթե բոլոր ուղղություններով գահավիժող, զարգացման ճանապարհից շեղված հայկական ֆուտբոլը դնել ճիշտ ուղու վրա և քայլ առաջ կատարել դեպի մեր երազանքները։
Հաղթանակ մեր ազգային հավաքականին այսօրվա խաղում։
Տղե՛րք, մենք սպասում ենք Ձեր նվերին»,- ասվում է FAF-ի տարածած հաղորդագրության մեջ։
