Հուլիսի 13-ին Երևանում կայանալիք Mix Fight 58-ում հայտնի են հերթական մենամարտի մասնակիցները։
Հայաստանը ներկայացնող Նարեկ Աղաջանյանը MMA մենամարտ կանցկացնի Իրանի ներկայացուցիչ Յասին Սադոլահիի հետ։
Այսպիսով, արդեն հայտնի են Mix Fight 58-ում կայանալիք 5 մենամարտերը։
Ավելի վաղ հաստատվել էին Արմեն Օհանյանի ու (6-3) ռուս Վլադիմիր Պալչենկովի (13-7) հետ մենամարտը։ Մարզիկները պայքարելու են WKN Intercontinental տիտղոսի համար։ Երեկոյի ընթացքում կկայանա նաև Նարեկ Գաբրիելյան - Մարցին Բանդել (գրեփլինգի գոտեմարտ), Արման Ավանեսյան - Լուիս Կարլոս Բրիտո (MMA), Մաքսիմ Խաչատրյան - Մուհամեդ Ավադի (MMA) զույգերը։ Հիշեցնենք, որ Mix Fight 58-ում կկայանա 12 մենամարտ, որից 8-ը՝ ММА-ի կանոններով։
