Հովհաննես Բաչկովը Թուրքիայում նոկաուտով հաղթանակ է տարել և նվաճել IBA Pro չեմպիոնական գոտին

Տոկիոյի Օլիմպիական խաղերի բրոնզե մեդալակիր, բռնցքամարտի Եվրոպայի քառակի չեմպիոն և աշխարհի առաջնության քառակի բրոնզե մեդալակիր Հովհաննես Բաչկովը հերթական հաղթանակն է տարել պրոֆեսիոնալ ռինգում՝ գրանցելով իր ութերորդ անպարտելի մենամարտը:

Ստամբուլում անցկացվող IBA Pro-7 Champions Night մրցաշարի ընթացքում, 63,5 կգ քաշային կարգում, Բաչկովը ուժերը չափել է Հարավաֆրիկյան Հանրապետության ներկայացուցիչ Խոլիսանի Նդոնգենիի հետ: Մենամարտն ավարտվել է 9-րդ ռաունդում՝ Բաչկովի՝ նոկաուտով հաղթանակով:

Այսպիսով հայ մարզիկը նվաճել է նաև IBA Pro մրցաշարի չեմպիոնական գոտին։

Հետևե՛ք մեզ՝ Instagram-ում, Telegram-ում, TikTok-ում։