Գուրգեն Հովհաննիսյանը նվաճել է WBA Continental North America չեմպիոնական գոտին

Գերծանր քաշային կարգում հանդես եկող պրոֆեսիոնալ բռնցքամարտիկ Գուրգեն Հովհաննիսյանը հուլիսի 18-ին Օռլանդոյում անցկացրել է տիտղոսային մենամարտ է անցկացրել՝ WBA Continental North America չեմպիոնական գոտու համար։

Հայ բռնցքամարտիկը տեխնիկական նոկաուտով հաղթել է ԱՄՆ-ն ներկայացնող Քրիս Թոմասին: Երեք ռաունդներից յուրաքանչյուրում Հովհաննիսյանը նոկդաունի է ենթարկել մրցակցին, իսկ մրցավարը երրորդ ռաունդից հետո դադարեցրել է մենամարտը՝ հաղթանակը շնորհելով Հովհաննիսյանին։

Մենամարտից հետո 26-ամյա բռնցքամարտիկը նշել է․ «Սա միայն փոքր քայլ է՝ դեպի մեծ ապագա»։

Հիշեցնենք, որ Հովհաննիսյանն անպարտելի է պրոֆեսիոնալ ռինգում։ Նա ունի 9 հաղթանակ, որոնցից 8-ին հայ մարզիկը հասել է վաղաժամ։