Մասնավորապես, սպորտային մարմնամարզության հավաքականի անդամներ Մամիկոն Խաչատրյանն ու Համլետ Մանուկյանը, նժույգ թափերի վարժության որակավորման փուլում հավաքելով համապատասխանաբար 14966 և 14766 միավոր, դուրս են եկել եզրափակիչ:

Որակավորման փուլում լավագույն եռյակը եզրափակել է Հայաստանի մյուս ներկայացուցիչ Գագիկ Խաչիկյանը, որը հավաքել է 14700 միավոր: Սակայն, ըստ խաղերի կանոնակարգի, եզրափակիչ կարող են անցնել տվյալ երկրի երկու մարզիկներ:

Հուլիսի 23-ին կայացել է նաև թաեքվոնդոի թիմային առաջնությունը, որտեղ մեր տղաները առաջին մենամարտում 2-0 հաշվով հաղթել են տանտերերին՝ Գերմանիայի հավաքականին, բայց հաջորդ փուլում պարտվել են տիտղոսակիր՝ Թայլանդի հավաքականին և դուրս են մնացել հետագա պայքարից:

Ձյուդոի առաջնությունում առաջինը պայքարի է դուրս եկել Դավիթ Աղասյանը, և պարտվել Ճապոնիայի ներկայացուցիչ Կենտոկու Նաիրին, որը հետագայում նվաճել է խաղերի չեմպիոնի տիտղոսը:

Հուլիսի 25-ին իրենց մրցելույթները կանցկացնեն եռացատկորդներ Գոռ Հովակիմյանը և Ռազմիկ Ղազարյանը, իսկ ձյուդոյում 100կգ քաշային Գոռ Կարապետյանը: