Գոռ Մկրտչյանը ստացել է Ձյուդոյի միջազգային ֆեդերացիայի մայրցամաքային մրցավարի որակավորում

01 Սեպտեմբեր 2025 | 147

Գոռ Մկրտչյանը ստացել է Ձյուդոյի միջազգային ֆեդերացիայի մայրցամաքային մրցավարի որակավորում

Օգոստոսի 15-19-ը Հորդանանի Ամման քաղաքում հաջողությամբ անցկացվել է Ձյուդոյի միջազգային ֆեդերացիայի մայրցամաքային և միջազգային մրցավարական քննություն՝ կազմակերպված Ձյուդոյի Միջազգային Ֆեդերացիայի և Հորդանանի ձյուդոյի ֆեդերացիայի կողմից։ Միջոցառմանը մասնակցում էին մրցավարների 50 թեկնածուներ Ասիայից և նրա սահմաններից դուրս։

Չորս օր տևած մանրակրկիտ տեսական և գործնական գիտելիքների գնահատումից հետո, ընդհանուր առմամբ 31 մրցավար ստացել է պաշտոնական որակավորում, որից 9-ը՝ ՁՄՖ միջազգային հեղինակավոր որակավորում և 22-ը՝ մայրցամաքային որակավորում։

Այս քննությունը կարևոր է տարածաշրջանում բարձր որակավորում ունեցող մրցավարների համալրման գործում:

Մրցավարական քննությանը հաջողությամբ մասնակցեց Հայաստանի ձյուդոյի ֆեդերացիայի սպորտային տնօրեն Գոռ Մկրտչյանը և ստացավ Ձյուդոյի միջազգային ֆեդերացիայի մայրցամաքային մրցավարի որակավորում։