1 ոսկե, 1 արծաթե և 8 բրոնզե մեդալ՝ Ռուսաստանում անցկացված բռնցքամարտի միջազգային մրցաշարում

Հայաստանի բռնցքամարտի հավաքականի անդամ, 54 կգ քաշային Վաղարշակ Քեյանը ոսկե մեդալ է նվաճել Ռուսաստանի Չիտա քաղաքում ընթացող DAURIA CUP միջազգային մրցաշարում:

Եզրափակչում հայ բռնցքամարտիկը հաղթանակ է տարել Ռուսաստանը ներկայացնող Արսեն Ժիլիլիտցովի նկատմամբ ու դարձել մրցաշարի հաղթող։

Հայաստանի մյուս ներկայացուցիչ, գերծանր քաշային Տիգրան Խաչատրյանը դարձել է արծաթե մեդալակիր:

Եվս 8 մարզիկ` 48 կգ քաշային Էրիկ Սեմերջյանը, 51 կգ Վահրամ Դովլաթբեկյանը, 63 կգ Անդրանիկ Մարտիրոսյանը, 67 կգ Արգիշտի Հակոբյանը, 80 կգ Ալբերտ Հարությունյանը և 92 կգ քաշային Սարգիս Անդրեասյանը հայրենիք կվերադառնան բրոնզե մեդալով։