Կյանքից հեռացել է բռնցքամարտի ՀՀ վաստակավոր մարզիչ Պավլիկ Ղարսլյանը
Հայաստանի բռնցքամարտի ֆեդերացիան խորը վշտով տեղեկացնում է, որ 63 տարեկանում երկարատև հիվանդությունից հետո կյանքից անժամանակ հեռացել է հայկական բռնցքամարտի լավագույն մարզիչներից մեկը` ՀՀ վաստակավոր մարզիչ Պավլիկ Ղարսլյանը։
«Նրա դերն անչափ մեծ է հայկական բռնցքամարտի զարգացման գործում։ Նրա սաները մշտապես փայլել են աշխարհի ու Եվրոպայի առաջնություններում` նվաճելով ամենաբարձր հարգի մեդալներ։
Հայաստանի բռնցքամարտի ֆեդերացիան իր ցավակցություն է հայտնում ինչպես անվանի մարզչի ընտանիքին ու հարազատներին, այնպես էլ հայկական բռնցքամարտի ամբողջ ընտանիքին»,- ասվում է ֆեդերացիայի տարածած հաղորդագրության մեջ:
Պավլիկ Ղարսլյանը երկար տարիներ եղել է նաև Հայաստանի հավաքականների մարզչական շտաբում։
