Երևանում շարունակվող բռնցքամարտի Մ23 տարեկանների առաջնությունում Հայաստանի ներկայացուցիչները հերթական մեդալներն են նվաճել:
Աղջիկների պայքարում 60 կգ քաշային Էլիդա Քոչարյանը եզրափակչում 5:0 հաշվով վստահ հաղթանակ է տարել ռուս Անաստասիա Ալեքսեևայի նկատմամբ և ճանաչվել է մինչև 23 տարեկանների Եվրոպայի եռակի չեմպիոն։ ՀԲՖ մամուլի քարտուղարության հաղորդմամբ՝ սա բացառիկ արդյունք է ոչ միայն հայկական, այլև համաշխարհային բռնցքամարտի պատմության մեջ։
Մ23 տարեկանների պայքարում Եվրոպայի եռակի չեմպիոն է հռչակվել նաև 75 կգ քաշային Սամվել Սիրամարգյանը:
67 կգ քաշային Արգիշտի Հակոբյանը 5:0 հաշվով առավելության է հասել բելառուս Մաքսիմ Ռիբակի նկատմամբ և դարձել ոսկե մեդալակիր:
ԵԱ-ի չեմպիոնությունը նվաճել է նաև Անդրանիկ Մարտիրոսյանը՝ նկատելի ուժեղ գտնվելով իտալացի մրցակցից:
Աղջիկների թիմից Հեղինե Պետրոսյանը (50 կգ), Վարդ Ասատրյանը (54 կգ) և Էլեն Պապյանը (57 կգ) ևս կանգնել են պատվո հարթակի երկրորդ աստիճանին:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
