Արթուր Բազեյանն ապահովել է Հայաստանի առաջին մեդալը բռնցքամարտի աշխարհի առաջնությունում

Դուբայում ընթացող բռնցքամարտի աշխարհի առաջնությունում Հայաստանի ներկայացուցիչ, 60կգ քաշային Արթուր Բազեյանը դուրս է եկել կիսաեզրափակիչ և առնվազն բրոնզե մեդալ է ապահովել:

Քառորդ եզրափակչում մեր մարզիկը շատ վստահ առավելության է հասել Լատվիան ներկայացնող Մաթեուս Պրոկուդինիսի նկատմամբ։ Առաջին երկու ռաունդներում ունենալով նկատելի առավելություն՝ 3-րդ ռաունդում Բազեյանը գործել է հաղթողի դիրքից և գործը հասցրեց նպատակին։ Նա իր կարիերայում առաջին անգամ է աշխարհի առաջնության կիսաեզրափակիչում։

հիշեցնենք՝ ԱԱ-ի 1/4 եզրափակիչ է դուրս եկել Հայաստանի 9 ներկայացուցիչ, ինչը պատմական արդյունք է: