«Գիտեինք, որ Հայաստանի հավաքականը լավ թիմ ունի։ Մենք պատրաստվել էինք, բայց ֆուտզալն այսպիսին է։ Առջևում ևս երկու հանդիպում ունենք և հիմա պետք է պատրաստվենք դրանց։ Շնորհակալ եմ երկրպագուներին, որոնք մեզ աջակցում են ամենուր։ Նրանք մեր 6-րդ խաղացողն են»,-իր տպավորություններով է կիսվել Պերվեևը։

Հայաստանի հավաքականի համար սա 1-ին հանդիպումն ու հաղթանակն էր Եվրոպայի առաջնությունների եզրափակիչ փուլերում։ 

Ռուբեն Նազարեթյանի գլխավորած թիմի կազմում դուբլ է գրանցել Միհրան Դերմենջյանը, որն էլ ճանաչվել էր հանդիպման լավագույն խաղացող։

2-րդ տուրում Հայաստանի հավաքականը կմրցի Չեխիայի, 3-րդ տուրում՝ Լիտվայի հավաքականի հետ։

B խմբի 1-ին տուրի մյուս խաղում Չեխիան ու Լիտվան հաղթողին չեն պարզել։