«Այդքան էլ ուրախ չեմ, որ այլ թեկնածուներ առաջադրված չեն, քանի որ առողջ մրցակցությունը միշտ լավ է: Իմ նախագահության 5 տարիների ընթացքում մարմնամարզությունում եղել են անկախ Հայաստանի լավագույն արդյունքները. շատ սպասված Օլիմպիական արծաթե և բրոնզե մեդալներ, Աշխարհի Առաջնության չեմպիոն, Եվրոպայի առաջնությունների չեմպիոններ ու բազմաթիվ այլ մրցանակակիրներ։ Շարունակելու ենք գրանցել հաջողություններ, նվաճել նորանոր բարձունքներ»,- ասել է Վանոյանը։
Այնուհետև Գագիկ Վանոյանը ՀՄՖ «Պատվո մեդալով» է պարգևատրել
Շուշանիկ Հարությունյանին՝ ակրոբատիկա մարզաձևում կատարած երկարամյա անձնվեր աշխատանքի համար,
Կարեն Գիլոյանին՝ մարմնամարզության և ֆեդերացիայի կողքին գտնվելու, սպորտին աջակցելու, սպորտը մասսայականացնելու, ֆեդերացիային երկար տարիներ ցուցաբերած աջակցության համար,
Գառնիկ Սարոյանն էլ արժանացել է ՀՄՖ պատվավոր քարտուղար կոչմանը ՀՄՖ կայացման և զարգացման գործընթացում ունեցած նշանակալի ավանդի, երկարամյա և անսահման նվիրումով իրականացված ծառայության համար:
