Հրաձգության Եվրոպայի առաջնությանը 40 երկրի շուրջ 600 պատվիրակ կմասնակցի
Հայաստանը պատմության մեջ առաջին անգամ կընդունի հրաձգության Եվրոպայի մեծահասակների առաջնությունը։
Մրցաշարը կկայանա փետրվարի 27-ից մարտի 5-ը՝ Կարեն Դեմիրճյանի անվան մարզահամերգային համալիրում։ Երևանյան ԵԱ-ին կմասնակցեն 40 երկրների շուրջ 600 պատվիրակներ՝ մարզիկներ, մարզիչներ և պաշտոնատար անձինք։ Այս մասին հայտնում է Հայաստանի հրաձգության ֆեդերացիայի մամուլի քարտուղարությունը:
Մրցումային ծրագրում ընդգրկված են օդամղիչ ատրճանակ, օդամղիչ հրացան և շարժվող թիրախ մրցաձևերը։
Առաջնության բացման պաշտոնական արարողությունը տեղի կունենա փետրվարի 27-ին՝ ժամը 19:00-ին։
