Մեկ տարի հայկական սպորտի հետ․ Sportmedia.am-ն ընդլայնում է բովանդակությունը

Sportmedia.am-ը նշում է գործունեության մեկ տարին։ Այս ընթացքում մեր թիմը ջանք ու եռանդ չի խնայել՝ հայ մարզասեր հասարակությանը ծանոթացնելու հայկական մարզաշխարհի կարևորագույն ու հետաքրքիր իրադարձություններին։

Հիմնադրման օրվանից ուղիղ մեկ տարի անց Sportmedia.am-ը մտնում է նոր փուլ. Այսուհետ մեր կայքում կտեղադրվեն նաև միջազգային սպորտի նորություններ։ Սոցիալական ցանցերի պաշտոնական էջերում կներկայացվեն ինչպես հայկական, այնպես էլ միջազգային սպորտի ամենահետաքրքիր և ուշագրավ իրադարձությունները։

Բացի այդ, Sportmedia.am-ը որպես Հայաստանում առաջին սպորտային PR ընկերություն, համագործակցության է հրավիրում մարզական ակումբներին, ֆեդերացիաներին և սպորտային կազմակերպություններին։ Եթե ցանկանում եք պատմել անձամբ ձեր, ձեր ակումբի հաջողությունների, ծրագրերի կամ նախաձեռնությունների մասին, մեր թիմը պատրաստ է ձեզ հետ համագործակցելու և աջակցելու։ Sportmedia.am-ը շարունակում է իր գործունեությունը նույն սկզբունքներով՝ օպերատիվ, վստահելի, բայց արդեն ավելի ընդլայնված բովանդակությամբ։