Լագրեյդն ուղիղ եթերում խոստովանել է ընկերուհուն դավաճանելու մասին
Իտալիայում ընթացող ձմեռային Օլիմպիական խաղերի բիաթլոնի անհատական մրցավազքում բրոնզե մեդալ նվաճած Ստրուլա Հոլմ Լագրեյդն անսպասելի խոստովանություն է կատարել:
«Սա կարևոր է՝ իմ առաջին անհատական օլիմպիական մեդալը, և ես ուզում եմ շնորհակալություն հայտնել բոլորին, ովքեր օգնել են ինձ այս ճանապարհին: Բայց, հնարավոր է, ինչ-որ մեկն այսօր չի հետևում մեդալային արարողությանը: Կես տարի առաջ ես հանդիպեցի կյանքիս սիրուն՝ աշխարհի ամենագեղեցիկ ու բարի աղջկան, իսկ երեք ամիս առաջ գործեցի կյանքիս ամենամեծ սխալը՝ դավաճանեցի նրան:
Դա իմ կյանքի վատթարագույն շաբաթն էր: Հավանաբար, շատերն այժմ ինձ այլ կերպ կնայեն, բայց ես մտածում եմ միայն նրա մասին: Այնքան էլ չեմ հասկանում՝ ինչ եմ ուզում ասել հիմա, բայց սպորտը վերջին օրերին մղվել է երկրորդ պլան: Եվ ափսոս, որ չեմ կարող կիսել այս նվաճումը նրա հետ: Ես փորձում եմ օրինակելի լինել, բայց հիմարություն եմ արել:
Ես գիտեի, որ այդ մասին կպատմեմ մրցելութից հետո: Որոշումը կայացրել էի երեկ: Մեդալի հետ իմ ուղերձը, հնարավոր է, մի փոքր ավելի հնչեղ լինի, նույնիսկ եթե դրա մասին այժմ իմացավ ամողջ աշխարհը:
Ես կորցնելու ոչինչ չունեմ: Ես իսկական սիրո հնարավորություն ունեի և ամեն ինչ փչացրեցի: Պարտադիր չէ ինձ ներել: Բայց եթե կա նույնիսկ չնչին հնարավորություն նրան ասելու, թե որքան շատ եմ սիրում, նույնիսկ եթե «մեդիաինքնասպանություն» է ուղիղ եթերում, ես պատրաստ եմ, միայն թե ստանամ այդ փոքրիկ հնարավորությունը»,- նորվեգացու խոսքն է մեջբերում nrk.no-ն:
