10-րդ օլիմպիական ոսկին Կլեբոն նվաճել է Իտալիայում անցկացվող 25-րդ ձմեռային Օլիմպիական խաղերում՝ Էյնար Հեդեգարտի հետ հանդես գալով թիմային սպրինտում։ Նրանք գրանցել են 18 րոպե 28,98 վայրկյան արդյունք։ Երկրորդ տեղը զբաղեցրել է ԱՄՆ-ի հավաքականը (+1,37), իսկ բրոնզե մեդալակիր է դարձել Իտալիայի թիմը (+3,31)։
Այս խաղերում Կլեբոն մասնակցում էր իր 5-րդ մրցմանը և բոլորում էլ նվաճել է ոսկե մեդալ։ Այժմ նա ունի 10 օլիմպիական ոսկի՝ հինգը անհատական և հինգը թիմային մրցաձևերում։
Կլեբոն դարձել է նաև պատմության երկրորդ ամենատիտղոսակիր օլիմպիականը։ ՕԽ ոսկե մեդալների քանակով նա զիջում է միայն ամերիկացի լեգենդար լողորդ Մայքլ Ֆելպսին, որը 23 անգամ է հռչակվել Օլիմպիական խաղերի չեմպիոն:
