Մեկ գնդակի տարբերություն կամ 10:0 հաշիվ. Բարձրագույն խմբի 12-րդ տուրի արդյունքները

Ֆուտզալի Հայաստանի Բարձրագույն խմբի 12-րդ տուրում կայացել է 3 խաղ: Համառ պայքարում են անցել «Աթլետիկ Երևան» - «Լոգիկոն» և «Վան» - «ՊրոԴեվ» խաղերը:

Հավասար միավորներ ունեցող թիմերի խաղում «Աթլետիկը» հաղթել է 5:4 հաշվով, ընդ որում՝ բոլոր գոլերը խփել են տարբեր ֆուտբոլիստներ: «Լոգիկոնի» կազմում հեթ-տրիկ է գրանցել Գեղամ Մարտիրոսյանը:

«ՊրոԴեվն» առավելության է հասել 6:5 հաշվով: Հյուրերի կազմում հեթ-տրիկի հեղինակ է դարձել Խորեն Հովհաննիսյանը:

Բարձրագույն խմբի առաջատար «Յունիսպորտը» 10:0 հաշվով հաղթել է «Թիմ Ագրոյին»: Առաջատարի կազմում հեթ-տրիկ է գրանցել Պուտրուս Վասիլևը: Նա ռմբարկուների պայքարում արդեն չորրորդ տեղում է՝ 25 գոլով:

«Սիևն» – «Ալաշկերտ» խաղն էլ չի կայացել:

«Յունիսպորտը» 34 միավորով շարունակում է գլխավորել մրցաշարային աղյուսակը: «Սիևնն» ունի 24 միավոր, իսկ «Երևանն» ու «Աթլետիկ Երևանը»՝ 21: