Բելառուսի տղամարդկանց և կանանց հավաքականները մարզական հավաք են անցկացնում Ծաղկաձորի գլխավոր մարզահամալիրում՝ ծովի մակարդակից մոտ 2000 մետր բարձրության վրա։
Բելառուսցի բիաթլոնիստ Դմիտրի Լազովսկին կիսվել է Ծաղկաձորի մարզաբազայի վերաբերյալ իր տպավորություններով։
«Շքեղ մարզաբազա է, և բարձրությունն էլ շատ լավն է։ Իմ վարկանիշում թոփ-1-ն է։ Ավելի լավը չեմ տեսել։ Հիմնական առանձնահատկությունն այն է, որ երբ այստեղ ես գալիս, զգացվում է, թե ինչպես է օրգանիզմը «ծաղկում»։ Բացի այդ, այս վայրում ստացված արդյունքները, կարելի է ասել, անհերքելի են»,- ասել է նա։
Բելառուս բիաթլոնիստների մասնակցությամբ հաջորդ մրցումները սպասվում են Տյումենում, որտեղ մարտի 14-ից 22-ը կանցկացվեն Ռուսաստանի առաջնության մրցարշավները։
