Արման Ծառուկյանը հայտնել է, թե ում հետ կցանկանար մենամարտել

UFC-ի հայազգի մարտիկ, թեթև քաշային կարգի 1-ին համար Արման Ծառուկյանը հայտնել է, թե ում դեմ կցանկանար մենամարտել։

Ծառուկյանի խոսքով, հիմնական հավակնորդներն են Չարլզ Օլիվեյրան, Ջասթին Գեյջին։ Արմանը չի բացառել նաև մենամարտը Իսլամ Մախաչևի դեմ։

«Ցանկանում եմ պայքարել թոփ 5-ից Գեյջիի կամ Օլիվեյրայի դեմ։ Գեյջին ցանկանում է մենամարտել տիտղոսի համար, բայց մինչ դա, ըստ իս, պետք է մենամարտի ինձ հետ։ Նա պետք է հաղթի կամ Օլիվեյրային, կամ ինձ։ Եթե ինձ առաջարկեն Օլիվեյրային կամ Գեյջիին, մեծ հնարավորություն կլինի։ Պատրաստ եմ նաև տիտղոսային մենամարտի», - ասել է Ծառուկյանը` The Schmo-ին։

Հիշեցնենք, որ թեթև քաշային կարգի չեմպիոնի կոչման համար Ծառուկյանը մենամարտելու էր գործող չեմպիոն Իսլամ Մախաչևի հետ, սակայն մենամարտը չի կայացել` հայազգի մարտիկի վնասվածքի պատճառով։