Բռնցքամարտի աշխարհի գավաթ. Հայաստանի հավաքականների կազմերը

Հայաստանի բռնցքամարտի ֆեդերացիան հրապարակել է Բրազիլիայում կայանալիք աշխարհի գավաթին մասնակցող Հայաստանի հավաքականի կազմը:

Մեր ընտրանին այս օրերին ուսումնամարզական հավաք է անցկացնում Օլիմպավանում, իսկ մրցավայր կմեկնի ապրիլի 17-ին:

Կանանց թիմում ընդգրկված են Անուշ Գրիգորյանը (51 կգ) և Էլիդա Քոչարյանը (65 կգ)։

Տղամարդկանց պայքարին կմասնակցեն  Ռուդոլֆ Գարբոյանը (50 կգ), Ժիրայր Սարգսյանը (55 կգ), Արթուր Բազեյանը (60 կգ), Արթուր Սահակյանը (65 կգ), Արարատ Հարությունյանը (70 կգ), Նարեկ Մանասյանը (90 կգ) և Դավիթ Չալոյանը (+90 կգ)։

Գավաթի խաղարկության հաջորդ փուլերը կանցկացվեն Չինաստանում (հունիսի 15 -ին) և Տաշքենդում (նոյեմբերի 25-ին):

Երեք մրցաշարերի հանրագումարով կորոշվեն աշխարհի գավաթակիրները: