Ռեալի նոր անհաջողությունը. բաց թողած հաղթանակ տնային խաղում

Իսպանիայի առաջնության 31-րդ տուրում Մադրիդի «Ռեալը» տնային խաղում մրցեց «Ժիրոնայի» հետ և գրանցեց 1:1 հաշվով ոչ-ոքի:

51-րդ րոպեին Ֆեդերիկո Վալվերդեն հարվածեց տուգանային հրապարակի մատույցներից և բացեց հաշիվը: 11 րոպե անց մոտավորապես նույն հեռավորությունից ուժգին հարվածով պատասխան գոլը խփեց Տոմա Լեմարը:

Լա լիգայի երկու խաղերում էլ այդ թիմերի միջև գրանցվեց 1:1 հաշիվը: 

Մադրիդցիները վաստակեցին 70 միավոր և «Բարսելոնայից» այժմ հետ են մնում 6 միավորով, սակայն «բլաուգրանան» մեկ խաղ պակաս է անցկացրել:

«Ժիրոնան» 38 միավորով հավասարվեց «Օսասունային», «Էսպանյոլին» ու «Ատլետիկին»: Այդ թիմերը կիսում են 9-12-րդ տեղերը: