Միակ բանը, որ ես ուզում եմ, դա ֆուտբոլային դաշտում մահանալն է․ Լուչեսկուի բժիշկը պատմել է մարզչի հետ զրույցի մասին

Բուխարեստի համալսարանական հիվանդանոցի սրտաբանական բաժանմունքի ղեկավարը պատմել է, թե ինչ է խոսել լեգենդար Միրչա Լուչեսկուի հետ, նրա մահվանից առաջ։  

«Մի օր նա ինձ ասաց․ «Պարոն պրոֆեսոր, միակ բանը, որ ես ուզում եմ, դա ֆուտբոլային դաշտում մահանալն է»։

Ես զգում էի, որ նա բաց է և ինչ-որ չափով ներդաշնակ է ինքն իր հետ։ Նա միշտ ափսոսում էր, որ դաշտում չէ։ Հենց այնտեղ էր անցել նրա ողջ կյանքը։

Նա անընդհատ կրկնում էր․ «Թողեք ինձ գնալ խաղին»։ Կարծում եմ՝ նա դա ասում էր բոլորին, և բոլորը գիտեն այդ մասին։ Նա նվիրվել էր իր մասնագիտությանը, ֆուտբոլին և ամբողջ սերունդների», — Վիներեանուի խոսքերը մեջբերում է gi Sport-ը։

Հիշեցնենք, որ 80-ամյա Լուչեսկուն տեղափոխվել էր համալսարանական հիվանդանոց անմիջապես ազգային հավաքականի ճամբարից, որտեղ  կորցրել էր գիտակցությունը։