Շատ կարևոր մենամարտ է ինձ համար․ Այսօր ռինգ դուրս կգա Հովհաննես Բաչկովը

Տոկիոյի Օլիմպիական խաղերի բռնցքամարտի բրոնզե մեդալակիր, աշխարհի առաջնության քառակի բրոնզե մեդալակիր, Եվրոպայի եռակի չեմպիոն Հովհաննես Բաչկովն այսօր հերթական մենամարտը կանցկացնի պրոֆեսիոնալ ռինգում:

Մինչև այս Բաչկովն անցկացրել է 6 մենամարտ ու տարել նույնքան հաղթանակ։   Grassroots boxing-ի կողմից կազմակերպած Paddy’s day boxing show երեկոյում Հովհաննես Բաչկովը WBA Continental չեմպիոնի գոտու մենամարտ կանցկանցի  վենեսուելացի Ջոս Բաստարդոնի հետ (10:0:0):

«7-րդ մենամարտն եմ անցկացնելու պրոֆեսիոնալ ռինգում: Շատ կարևոր մենամարտ է լինելու ինձ համար, քանի որ գոտու համար եմ պայքարելու՝  WBA Continental չեմպիոնի գոտու: Նախորդ մենամարտս դեկտեմբերին էր, որը տևական դադարից հետո վերադարձի մենամարտ էր: Մարզավիճակս լավ է: Այս մենամարտին պատրաստվել եմ Դուբայում: Մոտ 1,5 ամիս մարզվում եմ  հայերի կողմից հիմնած Դուբայի Golden ring boxing մարզադահլիճում: Այստեղ ինձ օգնում նախկին պրոֆեսիոնալ բռնցքամարտիկ Ալբերտ Հայրապետյանը և Սամվել Պետրոսյանը որպես երկրորդ մարզիչ:  Մրցակցիս չեմ ճանաչում, միայն գիտեմ, որ նա վենեսուելացի է, դեռ անպարտելի է՝ 10 մենամարտ եւ նույնքան հաղթանակ: Ամեն դեպքում չպետք է թերագնահատել մրցակցին, մեր մարզաձևը շատ բարդ է և պետք է յուրաքանչյուր մրցակցի դեմ պատրաստվել առանձնահատուկ»,- խոսելով կայանալիք մենամարտի մասին ասել է Բաչկովը:

Մենամարտը կմեկնարկի Երևանի ժամանակով 22։00-ի սահմաններում։