Կրասնոդարը փրկվեց պարտությունից, բայց նահանջեց 2-րդ հորիզոնական․ Սպերցյանը մասնակցեց ամբողջ հանդիպմանը

Ռուսաստանի Պրեմիեր լիգայի 25-րդ տուրում «Կրասնոդարն» ընդունել էր «Բալթիկային»։ Հանդիպումն ավարտվեց 2։2 հաշվով։

Խաղի հաշիվը բացեց Մինգյան Բևեևը՝ 43-րդ րոպեին։ 59-րդ րոպեին Խուան Բոսելին վերականգնեց հաշվի հավասարությունը, սակայն 7 րոպե անց «Կրասնոդարի» պաշտպան Վիկտոր Տորմենայի սխալից հետո Մաքսիմ Պետրովը կրկին առաջ մղեց հյուրերին։ Հիմնական ժամանակին ավելացրած 2-րդ րոպեին Ջուբալը տանտերերին փրկեց պարտությունից։

Հայաստանի ազգային հավաքականի ավագ Էդուարդ Սպերցյանն ընդգրկված էր «Կրասնոդարի» մեկնարկային կազմում ու մասնակցեց ամբողջ հանդիպմանը։

Այս խաղից հետո Ռուսաստանի գործող չեմպիոնները 54 միավորով նահանջեցին 2-րդ հորիզոնական ու 1 միավոր զիջում են առաջատար «Զենիթին»։ «Բալթիկան» 45 միավորով 4-րդ տեղում է։