ՊՍԺ-ն պարտվեց Լիոնին (տեսանյութ)

Ֆրանսիայի առաջնության 30-րդ տուրում ՊՍԺ-ն ընդունել էր Լիոնի Օլիմպիկին ու զիջեց 1։2 հաշվով։

Հանդիպման հաշիվը բացեց Էնդրիկը՝ 6-րդ րոպեին։ 18-րդ րոպեին Աֆոնսո Մորեյրան կրկնապատկեց հյուրերի առավելությունը։ ՊՍԺ-ի միակ գոլը հեղինակեց Խվիչա Կվարացխելիան՝ հիմնական ժամանակին ավելացրած 4-րդ րոպեին։

33-րդ րոպեին Գոնսալու Ռամուշը չկարողացավ իրացնել 11-մետրանոցը։ Պորտուգալացու հարվածը հետ մղեց Դոմինիկ Գրեյֆը։

Այս հաղթանակից հետո «Օլիմպիկը» 54 միավորով բարձրացավ 4-րդ հորիզոնական։ ՊՍԺ-ն 63 միավորով գլխավորում է մրցաշարային աղյուսակը և մեկ խաղ ավել է անցկացրել 2-րդ տեղով ընթացող «Լանսից», որն ունի 62 միավոր։