Կարեն Նալբանդյան. Շատ ուրախ եմ, որ խաղային իրավիճակից գոլ խփեցի (տեսանյութ)

«Ալաշկերտի» ավագ Կարեն Նալբանդյանը մեկնաբանել է Fastex Պրեմիեր լիգայի 22-րդ տուրում «Ուրարտուի» նկատմամբ տարած արտագնա հաղթանակը (3:1), որտեղ կիսապաշտպանը դարձել է դուբլի հեղինակ:

«Երկար ժամանակ խաղային իրավիճակից գոլ չէի խփել. շատ ուրախ եմ, որ այս անգամ ստացվեց: Կփորձեմ ամեն խաղում գոլ խփել, որպեսզի թիմը վաստակի 3 միավոր:

Բոլորս էլ հասկանում էինք «Ուրարտուի» դեմ խաղի կարևորությունը, ամեն ինչ արեցինք խաղադաշտում: Կարևորը՝ 3 միավոր վաստակեցինք և շարժվում ենք առաջ»,- «Ալաշկերտի» մամուլի ծառայության հետ զրույցում ասել է Հայաստանի հավաքականի ֆուտբոլիստը: