Կովալենկոն հավաքում է անհրաժեշտ փաստաթղթերը՝ ՀՀ քաղաքացիություն ստանալու նպատակով

«Սոչիի» կիսապաշտպան Ալեքսանդր Կովալենկոն պլանավորում է ստանալ Հայաստանի քաղաքացիություն՝ Հայաստանի ազգային հավաքականում խաղալու համար։ Սա հաստատել է ֆուտբոլիստի եղբայրը՝ Արտյոմ Կովալենկոն։

«Ճիշտ է, բանակցությունները շարունակվում են։ Սաշան այժմ ավարտում է փաստաթղթերը՝ Ազգերի լիգայի խաղերին մասնակցելու համար քաղաքացիություն ստանալու նպատակով», - Կովալենկոյի խոսքերն է մեջբերում «RB Sport»-ը։

Հրապարակման համաձայն՝ ֆուտբոլիստը նախկինում սպասում էր Ռուսաստանի ազգային հավաքականից երկրորդ հրավերին, ինչը նրան ստիպեց մերժել Հայաստանի ֆուտբոլի ֆեդերացիայի առաջարկը։ Սակայն այժմ նա ընդունել է առաջարկը և հավաքում է անհրաժեշտ փաստաթղթերը՝ նոր քաղաքացիություն ստանալու համար։

Կովալենկոն Ռուսաստանի ազգային հավաքականի կազմում մասնակցել է 1 խաղի՝ 2022 թվականի սեպտեմբերի 24-ին խաղալով Ղրղզստանի դեմ հանդիպմանը, որում Ռուսաստանի ընտրանին 1:2 հաշվով պարտություն է կրել։

Կովալենկոն «Չերտանովոյի» երիտասարդական համակարգի սան է։ Այս մրցաշրջանում 22-ամյա կիսապաշտպանը «Սոչիի» կազմում անցկացրել է 25 խաղ բոլոր մրցաշարերում՝ չխփելով գոլեր։