Հայաստանի Մ17 հավաքականը 2 րոպեում 2 գոլ խփեց և ոչ-ոքի խաղաց Լյուքսեմբուրգի հետ

Հայաստանի Մ-17 հավաքականն ՈՒԵՖԱ 2025/26 Եվրոպայի Մ-17 առաջնության որակավորման երկրորդ փուլի առաջին խաղում այսօր Վ. Սարգսյանի անվան «Հանրապետական» մարզադաշտում ընդունել է Լյուքսեմբուրգի իր հասակակիցներին և ոչ-ոքի՝2:2 հաշվով ավարտել հանդիպումը:

Առաջին կեսից հետո մեր ընտրանին 0:2 հաշվով զիջել է մրցակցին, սակայն երկրորդ կեսի միջնամասում՝ 63-րդ և 65-րդ րոպեներին Արսեն Առաքելյանն ու Անդրանիկ Երվանդյանը գոլեր են հեղինակել և ոչ-ոքի պարգևել Հայաստանի Մ17 հավաքականին:

Հիշեցնենք, որ մրցաշարը կտևի ապրիլի 22-ից 28-ը։ Հայաստանի ընտրանին այս խմբում կհանդիպի նաև Լիխտենշտայնին և Հունգարիային։ Խաղերը կկայանան ապրիլի 24-ին և 28-ին համապատասխանաբար: