Բուլղարիայի Վառնա քաղաքում ընթացող սպորտային մարմնամարզության World Challenge Cup-ի օղակներ վարժությունում հաղթող է ճանաչվել Արթուր Ավետիսյանը։

Հայ մարզիկը գերազանցել է բոլորին՝ վաստակելով 14․233 միավոր։ Հատկանշական է, որ 2-րդ հորիզոնականն է զբաղեցրել Գերմանիան ներկայացնող Արթուր Սահակյանը՝ 13․566 միավորով։

Հիշեցնենք, որ Ավետիսյանը եզրափակիչ էր դուրս եկել 14․300 միավորով։

Այսպիսով, Ավետիսյանի համար մրցաշրջանի հաջողությունները շարունակվում են։ Ավելի վաղ նա, նույն վարժությունում, հռչակվել էր 2026 թվականի աշխարհի բացարձակ գավաթակիր՝ նվաճելով մեկական ոսկե, արծաթե և բրոնզե մեդալ։