Բոլորս հասկանում ենք պահի կարևորությունը. պետք է այստեղ էլ հաղթենք. Կարեն Մուրադյան
Չեմպիոնների լիգայի որակավորման երկրորդ փուլում «Արարատ-Արմենիան» այսօր պատասխան հանդիպում կանցկացնի իռլանդական «Շեմրոկ Ռովերսի» դեմ։ Երևանյան թիմի կիսապաշտպան Կարեն Մուրադյանը խաղից առաջ կիսվել է իր սպասելիքներով։
«Բոլորս գիտակցում ենք պահի կարևորությունն ու հասկանում ենք, որ պետք է պարզապես ճիշտ պատրաստվենք խաղին։ Ոչ մի ճնշում չկա, մենք մարտական ենք տրամադրված և ամեն ինչ անելու ենք մեր նպատակին հասնելու համար։
Կան սխալներ, որոնք պետք է շտկենք Ռիգայում կայացած խաղից հետո։ Պետք է լավ ու վստահ մեկնարկենք հանդիպումը, ցույց տանք, որ եկել ենք այստեղ ևս հաղթելու և լավ խաղ ցուցադրելու։ Գիտենք, որ այս թիմն ավելի լավ է հանդես գալիս սեփական հարկի տակ, և, երևի թե, դա է լինելու գլխավոր դժվարությունը։ Բայց, կրկնում եմ, մենք պետք է պատրաստ լինենք ամեն ինչի, կենտրոնանանք մեր խաղի վրա, լավ ֆուտբոլ ցուցադրենք և փորձենք այստեղ էլ հաղթել»,- ասել է Կարեն Մուրադյանը ակումբի մամուլի քարտուղարության հետ զրույցում:
Երևանում նախորդ շաբաթ կայացած առաջին խաղում Հայաստանի չեմպիոնը 2 անպատասխան գնդակ է ուղարկել մրցակցի դարպասը: Պատասխան խաղը կկայանա այսօր՝ հուլիսի 28-ին, կմեկնարկի Երևանի ժամանակով 23:00-ին և կցուցադրվի Առաջին ալիքի ուղիղ եթերում:
