ՉԼ․ Արարատ-Արմենան որակավորման 3-րդ փուլում է ու ապահովեց տեղը Կոնֆերենցիաների Լիգայի հիմնական փուլում

Չեմպիոնների լիգայի որակավորման 2-րդ փուլում Հայաստանի չեմպիոն «Արարատ-Արմենիան» դիմակայության երկրորդ խաղում 1։2 հաշվով պարտվեց իռլանդական «Շեմրոկ Ռովերսին», սակայն դիմակայությունում հաղթելով 3։2 հաշվով (երևանյան խաղում Հայաստանի չեմպիոնը հաղթել էր 2։0 հաշվով)՝ դուրս եկավ ՉԼ որակավորման 3-րդ փուլ ու ապահովեց իր տեղը առնվազն Կոնֆերենցիաների լիգայի Լիգայի փուլում։ Դուբլինում կայացած խաղում երևանյան թիմի միակ գոլը խփեց Սանդրո Լիման։ 

Այսպիսով, «Արարատ-Արմենիան» կլինի հայկական 4-րդ թիմը, որը կմասնակցի Եվրագավաթային մրցաշարի հիմնական փուլի։ Մինչև այս ԿԼ հիմնական փուլին են մասնակցել «Ալաշկերտը», «Փյունիկն» ու «Նոան»։ 

Որակավորման երրորդ փուլում Հայաստանի չեմպիոնը կմրցի Սլովենիայի «Ցելյեի» հետ։