Բաքվում ընթացող ըմբշամարտի Մ17 տարեկանների առաջնությունում այսօր երեկոյան հայ երկու ըմբիշ կպայքարի մեդալների համար:

71 կգ քաշային Ջանես Նազարյանը ոսկե մեդալի համար կգոտեմարտի Ռուսաստանտ ներկայացնող Ասլան Ձուևի հետ:

Նազարյանը պայքարը սկսել է 1/16 եզրափակիչից, որտեղ 8:0 հաշվով ժամանակից շուտ առավելության է հասել Նորվեգիայի ներկայացուցիչ Մարտին Լետվիկի նկատմամբ: 1/8 եզրափակչում հայ ըմբիշը 9:0 հաշվով վստահ հաղթանակ տարել Թուրքիայի ներկայացուցիչ Մուհամադ Ռեսիտ Յուրուկի նկատմամբ, քառորդ եզրափակչում դարձյալ ժամանակից շուտ 9:0 հաշվով պարտության է մատնել հունգարացի Էրվին Ցուցորին, իսկ կիսաեզրափակչում Նազարյանը 8:0 հաշվով վստահ առավելության է հասել Բուլղարիայի ներկայացուցիչ Քրիստիան Կրատսի նկատմամբ: