Կոնֆերենցիաների լիգա. Նոան, Ալաշկերտն ու Փյունիկն այսօր կպայքարեն երրորդ փուլի ուղեգրի համար

Հայկական երեք թիմեր այսօր կանցկացնեն Կոնֆերենցիաների լիգայի որակավորման երկրորդ փուլի պատասխան խաղերը:

«Փյունիկը» Երևանի Վ. Սարգսյանի անվան «Հանրապետական» մարզադաշտում կընդունի հունգարական «Դեբրեցենին»: Հանդիպումը կմեկնարկի ժամը 20:00-ին և կցուցադրվի Առաջին ալիքի ուղիղ եթերում:



Թիմերի միջև կայացած առաջին խաղում Արտակ Օսեյանի թիմը նվազագույն հաշվով պարտություն էր կրել: 



Ժամը 20:00-ին ԿԼ որակավորման երկրորդ փուլի հանդիպում կանցկացվի նաև Աբովյանում: Վահագն Թումասյանի անվան քաղաքային մարզադաշտում «Նոան» կընդունի մոլդովական «Զիմբրուին»: Խաղը կցուցադրվի Շանթ ՀԸ-ի ուղիղ եթերում:



Թիմերի միջև Մոլդովայում կայացած առաջին խաղում գրանցվել էր ոչ-ոքի՝ 1:1 հաշիվը:



ԿԼ մյուս հանդիպումը կանցկացվի Ռումինիայում: Կլուժ-Նապոկայում «Ալաշկերտը» կմրցի «ՉՖՌ Կլուժի» հետ:Պատասխան խաղը կմեկնարկի Երևանի ժամանակով 22:30-ին և կցուցադրվի Առաջին ալիքի ուղիղ եթերում: Թիմերի միջև Երևանում կայացած առաջին խաղն ավարտվել էր ոչ-ոքի՝ 1:1 հաշվով: