Հայ մարմնամարզիկները Խորվաթիայում կմասնակցեն Աշխարհի գավաթի չորրորդ փուլին
Ապրիլի 7-14-ը Խորվաթիայի Օսիջեկ քաղաքում կկայանա սպորտային մարմնամարզության Աշխարհի գավաթի չորորդ փուլը, որին մեր թիմը կմասնակցի 5 ներկայացուցչով:
Հայաստանի հավաքականի կազմում պայքարի դուրս կգան Արթուր Դավթյանը, Վահագն Դավթյանը, Արթուր Ավետիսյանը, Համլետ Մանուկյանը և Մամիկոն Խաչատրյանը:
Հիշեցնենք՝ Օլիմպիական խաղերի արծաթե և բրոնզե մեդալակիր, աշխարհի և Եվրոպայի չեմպիոն Արթուր Դավթյանն ավելի վաղ հաղթող էր ճանաչվել Աշխարհի գավաթի առաջին և երրորդ փուլերի խաղարկությունում, որոնք անցկացվել են Գերմանիայում և Թուրքիայում համապատասխանաբար: Եվրոպայի կրկնակի փոխչեմպիոն, Եվրոպական խաղերի փոխչեմպիոն, աշխարհի գավաթակիր, Փարիզ-2024 Օլիմպիական խաղերի մասնակից Վահագն Դավթյանը ոսկե մեդալ էր նվաճել Աշխարհի գավաթի խաղարկության առաջին փուլի օղակների վարժությունում:
Աշխարհի գավաթի երկրորդ փուլն անցկացվել է Բաքվում, որը մեր մարմնամարզիկները բաց են թողել:
