Հոկեյի Հայաստանի ազգային հավաքականը բուլիտներով հաղթեց Ուզբեկստանին

Երեկ Երևանում մեկնարկել է հոկեյի աշխարհի 4-րդ դիվիզիոնի առաջնությունը։

Հայաստանի ազգային հավաքականը 2։2 հաշվով ավարտեց հանդիպումը Ուզբեկստանի ընտրանու հետ։ Հետխաղյա բուլիտներում ուժեղ էին հայ հոկեյիստները, որոնք 2։0 հաշվով առավելության հասան՝ գլխավորելով խմբի աղյուսակը։

Ուզբեկստանից բացի Հայաստանի ընտրանու հետ նույն խմբում ընդգրկված են նաև Մալայզիայի, Ինդոնեզիայի, Իրանի և Քուվեյթի հավաքականները։ 

Հիշեցնենք, որ Հայաստանի ազգային հավաքականը երեկ տոնել էր իր պատմության ամենախոշոր հաշվով հաղթանակը՝ 24։3 հաշվով ջախջախելով Մալայզիայի ընտրանուն։

Օրվա մյուս խաղերում գրանցվել են հետևյալ արդյունքները՝

Քուվեյթ 15-6 Ինդոնեզիա
Իրան 5-1 Մալայզիա

Վաղը Հայաստանի հավաքականը կմրցի Քուվեյթի հետ։ Հանդիպման մեկնարկը՝ 20։00-ին։