3 բրոնզե մեդալ՝ սամբոյի Եվրոպայի մեծահասակների առաջնությունից
Հայաստանի սամբոյի մեծահասակների հավաքականի անդամները սկսել են պայքարը Կիպրոսում անցկացվող Եվրոպայի առաջնությունում:
Հայաստանի երեք ներկայացուցիչ այսօր արժանացել է բրոնզե մեդալների: Պատվո հարթակի երրորդ աստիճանին են կանգնել Համլետ Սուքիասյանը (58 կգ), Մհեր Մերջանյանը (71 կգ) և Ավետիք Պողոսյանը (88 կգ):
Ավելի վաղ հայտնել էինք, որ ապրիլի 22-28-ը Կիպրոսի Լիմասոլ քաղաքում կանցկացվի սամբոյի Եվրոպայի առաջնությունը(բոլոր տարիքային խմբեր), որին Հայաստանը կմասնակցի մեծաքանակ կազմով:
