Արթուր Վարելջյանը ոսկե մեդալ է նվաճել հեծանվասպորտի միջազգային մրցաշարում
Ուզբեկստանի Նամանգան քաղաքում տեղի ունեցած Silk Way Namangan Class 2 միջազգային մրցաշարում Հայաստանի հավաքականի մարզիկ Արթուր Վարելջյանը հաղթել է սկրեչ մրցաձևում՝ ապահովելով առաջին հորիզոնականը։
Նշենք, որ Վարելջյանն ընդամենը 18 տարեկան է ու երեկ, մրցելով ուժեղագույն տրեկ հեծանվորդների հետ, հայ մարզիկը օմնիում մրցաձևում նվաճել էր բրոնզե մեդալ։
Silk Way Namangan Class 2-ը Միջազգային հեծանվային միության օրացուցային մրցումների շրջանակում անցկացվող մրցաշար է։
«Շնորհավորում ենք Արթուրին ու մարզչական անձնակազմին՝ քրտնաջան աշխատանքի և նվաճման համար։
Այս արդյունքը ևս մեկ քայլ է դեպի սպորտային մեծ բարձունքներ», - գրել է Հայաստանի հեծանվային մարզաձևերի ֆեդերացիայի մամուլի ծառայությունը։
