UFC-ի նախկին մարտիկը կմասնակցի Երևանում կայանալիք Mix Fight 58 մրցաշարին

Երևանում հուլիսի 13-ին կանցկացվի Mix Fight 58 մրցաշարը: Երեկոյի ընթացքում կկայանա 12 մենամարտ, որից 8-ը MMA-ի կանոններով, 2-ը՝ քիք-բոքսի, 2-՝ մուայթայի։

Մրցաշարին կմասնակցի նաև UFC-ի նախկին մարտիկ, BRAVE չեմպիոն Մարսին Բանդելը (22-9): BJJ-ի սև գոտի, 3-րդ աստիճանի մարզիկի մրցակիցը հայտնի կդառնա շուտով։  

Նշենք, որ մրցաշարին կմասնակցի նաև Սամբոյի Եվրոպայի գործող չեմպիոն Արման Ավանեսյանը։ Նրա մրցակիցը բրազիլացի Կարլոս Բրիտոն է (6-8)։

Ինչպես տեղեկացրել էինք ավելի վաղ, Mix FIght 58-ին կմասնակցեն մի քանի երկրներից ուժեղագույն մարզիկներ։ Այն կանցկացվի «Դինամո» մարզահամալիրում։ Հայ մյուս մարզիկների ու նրանց մրցակիցների անունները կհրապարակվեն շուտով։