Կատարում ուսումնամարզական հավաք անցկացնող Հայաստանի փոխչեմպիոն «Նոան» 3-րդ ստուգողական խաղն է անցկացրել՝ մրցելով Կատարի բարձրագույն լիգայի «Ալ Ղարաֆա» ակումբի հիմնական և երկրորդ թիմերից կազմավորված թիմի դեմ։
Ռուի Մոտայի գլխավորած թիմը հաղթել է 3։0 հաշվով։ Դուբլի հեղինակ է դարձել Գոնսալո Գրեգորիոն, մեկ անգամ էլ աչքի է ընկել Հովհաննես Համբարձումյանը։
Ֆաստեքս Հայաստանի Պրեմիեր լիգայի գարնանային հատվածից առաջ «Նոան» 16 խաղից հետո 40 միավորով առաջատար է ու 2 միավորի առավելություն ունի 18 խաղ անցկացրած «Ուրարտուի» նկատմամբ։
Փետրվարի 19-ին «Նոան» կմրցի «Ալաշկերտի» հետ Հայաստանի գավաթի խաղարկության 1/8 եզրափակիչում։
Ֆաստեքս Հայաստանի Պրեմիեր լիգայում Մոտայի գլխավորած թիմը փետրվարի 26-ին կհյուրընկալվի «Վեստ Արմենիային»։
