Ստեփանավանում մեկնարկել է Ուրարտուի ակադեմիայի նոր մասնաճյուղի կառուցումը
Հունիսի 1-ին Ստեփանավանում տեղի ունեցավ «Ուրարտու» ֆուտբոլային ակումբի խանութի հանդիսավոր բացումը, որին մասնակցում էր նաև քաղաքի ղեկավարությունը՝ քաղաքապետ Արմեն Գրիգորյանի գլխավորությամբ։
«Օրը նշանակալից էր նաև նրանով, որ ակումբի և շինարարական ընկերության միջև ստորագրվեց համաձայնագիր՝ ակադեմիայի մասնաճյուղի տարածքում շինարարական աշխատանքների մեկնարկի վերաբերյալ:
Միջոցառումներից հետո ակումբի և Ստեփանավան քաղաքի ղեկավարությունն այցելեցին տարածք՝ շինարարական աշխատանքների մեկնարկը հավերժացնելու նպատակով»,- ասվում է «Ուրարտուի» տարածած հաղորդագրության մեջ:
Ավելի վաղ հաղորդվում էր, որ «Ուրարտուն» մանկապատանեկան դպրոց է հիմնելու Ստեփանավան քաղաքում, ու չի բացառվում որ այդ քաղաք տեղափոխվի «Ուրարտու-2» թիմը և այնտեղ անցկացնի իր հանդիպումները։
