Գոլառատ խաղում երիտասարդական հավաքականը զիջեց Կիպրոսի հասակակիցներին

Երևանում ավարտվեց Հայաստանի ու Կիպրոսի երիտասարդական հավաքականների միջև 2-րդ ընկերական հանդիպումը։

Հայաստանի Մ21 հավաքականը զիջեց 2։5 հաշվով։ Արմեն Գյուլբուդաղյանցի թիմից աչքի ընկան Դավիթ Հակոբյանն ու Միսակ Հակոբյանը՝ դիպուկ իրացնելով 11-մետրանոցները։ Վերջինս նաև ստացավ կարմիր քարտ։

Կիպրոսի ընտրանուց դուբլի հեղինակ դարձան Նեարխոս Զինոնոսը, Անգելոս Նեոպիտուն, մեկ անգամ էլ աչքի ընկավ Էվագորաս Խարալամպուսը։

Հիշեցնենք, որ առաջին խաղում թիմերը հաղթողին չէին պարզել։