Մի պահ անգամ չեմ դադարել հավատալ, որ կարող եմ վերադառնալ Հայաստանի հավաքականի մեկնարկային կազմ. Հենրի Ավագյան
Հայաստանի ազգային հավաքականի դարպասապահ Հենրի Ավագյանը գրառում է կատարել ֆեյսբուքի իր էջում՝ անդրադառնալով ազգային ընտրանու կազմում իր ելույթներին:
«7 երկար և խոչընդոտներով լի տարիներ։
Այս ամբողջ ընթացքում ես մի պահ անգամ չեմ դադարել հավատալ, որ կարող եմ վերադառնալ Հայաստանի հավաքականի մեկնարկային կազմ և օգնել իմ երկրին։
Իհարկե, կցանկանայի, որ իմ վերադարձը մեկնարկային կազմում նշանավորվեր հաղթանակով, բայց այս դժվարին ժամանակներում շատ կարևոր է չհուսահատվել և միասնական լինել։
Ես շնորհակալ եմ բոլոր նրանց, ովքեր մինչ օրս հավատացել և վստահել են ինձ:
Լավագույն ժամանակներն ու հաղթանակները դեռ առջևում են։
