Թենիս․ Հայաստանի հավաքականը կմասնակցի Դեյվիսի գավաթին

Թենիսի Հայաստանի հավաքականն արդեն ժամանել է Հյուսիսային Մակեդոնիայի մայրաքաղաք  Սկոպյե, որտեղ մասնակցելու է Դեյվիսի գավաթի խաղարկությանը։ Երրորդ ենթախմբում Հայաստանի հավաքականի մրցակիցներն են Հյուսիսային Մակեդոնիայի, Լատվիայի, Մոլդովայի, Չեռնոգորիայի ու Մալթայի հավաքականները։

Մարզիչ Վահե Ավետիսյանի գլխավորությամբ Դեյվիսի գավաթին մասնակցում են  Միքայել Ավետիսյանը, Միքայել Ավանեսյանը, Հենրիկ Նիկողոսյանը, Սամվել Աղայանն ու
Ավետիք Ղազարյանը։ Ի դեպ, Աղայանն ու Ղազարյանն առաջին անգամ կմասնակցեն  Դեյվիսի գավաթին։

Հունիսի 10-ին տեղի կունենա մրցաշարի բացման պաշտոնական արարողությունը, իսկ մրցախաղերը կմեկնարկեն հունիսի 11-ին։